仲有3日就出完ward喇!好想認認真真咁記錄今次出ward難忘既事! 其實我3月頭已經出過同一間e院同一個ward一個星期
今次過左2個月返返去同一個地方
竟然見到熟悉面孔!!!!shock!!!!有個patient訓左2個月都仲未出院
呢個patient就係令我第1次出ward喊既patient!
其實佢stroke過..3月果陣佢都仲講到1,2句野但係唔會聽得明
有次同佢turning..佢好辛苦
竟然第1次清清楚楚咁聽到佢流住眼淚咁講左一句說話:人又老又多病痛..
一講完..我都未黎得切反應佢就扯甩d胃喉呀氧氣喉呀果d..
我知點解佢要咁做我知佢好辛苦 但係我咩都做唔到...
我企左係度喊 到左依家 2個月後 佢已經講唔到野 手手腳腳都郁唔到 眼都擘唔大
成隻腳都係wound同blister
情況差左勁多
但係我想講既係 3月果陣佢d屋企人都會黎探下佢
但係呢2個星期人影都唔見
點解會咁樣? 次次同佢洗傷口一定要幾個人先搞得掂(因為要捉住佢d手手腳腳)
次次都洗成個幾鐘
好攰 但係我真係寧願我地洗
原因為果度d nurse根本冇可能擺咁多時間係同一個patient度
d膠痴到佢d傷口爛晒 我地做得慢但at least會make sure唔會痴到d傷口
唉 佢d傷口愈黎愈多 今日見到個11cm x 5cm(好似係)既傷口係小腿度
我見到我都覺得痛
好采E生見到佢咁比佢返去QE睇下d skin
希望QE d人對佢好d:) 其實果度d伯伯全部都好q好得意!
我上星期搵左個伯伯傾計順便考試..
佢真係勁合作 問佢咩就即刻答 考試之後佢好似細路咁問我:我會唔會答得好差幫唔到你?
真係傻!:D
ps.一得閒冇野做同d伯伯吹水
好多電視劇先會發生既情節出晒黎:比個仔搶晒d錢/做個大老闆/身家豐厚(曾經)....
聽到好多人既故事 得出一個結論:有時做人咁認真係乜
開心日子又係咁過 唔開心又係咁過why so serious!
ps2.每日出ward見到d patient精神好
果日自己心情都會特別好:)
不過可能係因為我仲未見到一d恐怖既野@0@
我真係好幸運+幸福
今次出ward遇到既staff都好好人 ward-mate大家都好照顧大家 又學到好多野 tutor又好人
天時 地利 人和 有齊晒!
| 
